<
Umwana w’imyaka 8 amaze imyaka 2 ataryama
Yashyizweho kuya 2017-09-07 04:21:43 na Ntirushwa Anaclet
VISITS : 1077

Michelle Otondi w’imyaka 8 wo mu gihugu cya Kenya yagize ibyago agwa mu muriro abwo yakinaga n’abana bagenzi mu mwaka wa 2015, ibi bikaba byaramuteye kumara imyaka 2 yose atabasha kuryama.

Nkuko byatangajwe n’umuryango w’uyu mwana, ngo bagize ibi byago mu mwaka wa 2015 ubwo umwana wabo yakinaga n’abandi bana bagenzi be agira impanuka yo kugwa mu muriro wari hafi aho bakiniraga uramutwika bikabije kugeza ubwo ubu abaganga bemeza ko umubiri we wangiritse ku kigero cya 50% by’umubiri muzima.

Uyu muriro niwo watwitse uyu mwana bikabije

Uyu mwana yahiye mu ijosi no mu maso ubu akaba atabasha kunyeganyeza ijosi ndetswe no guhumbya amaso ye ibintu amaranye imyaka ibiri yose bityo akaba akeneye abagiraneza bamufasha kuko umuryango we waciwe amafaranga ibihumbi 400,000 by’amashilingi ya Kenya (Ksh) kugira ngo uyu mwana wabo akorerwe operation. Uyu muryango uravuga ko wahuye n’ubuzima butoroshye nyuma yuko umwana wabo agize iyi mpanuka agashya bikabije.

Nkuko tubikesha ikinyamakuru TUKO.co.ke, Michelle Otondi w’imyaka 8 y’amavuko yaguye mu muriro ashya bikabije mu mwaka wa 2015 ubwo yarimo akina n’abana bagenzi be.

Japheth Otondi, se w’uyu mwana mu magambo ye ati “nari ndi mu rugo mu kwezi kwa 9 ku itariki 21 mu mwaka wa 2015 ubwo uyu mwana yagiraga impanuka nyuma mpita mujyana ku bitaro bya Jaramogi Oginga Odinga aho twamaze amezi 9 yose. Ubuzima bwaratugoye ku buryo byadusabye kugurisha ibyo twari dutunze kugira ngo tubashe kumubonera imiti nayo itaragize icyo imumarira bitewe no kwangirika gukomeye yatewe n’iyi mpanuka. Byadusabaga ibihumbi 71,000 by’amashilingi ya Kenya, abagiraneza n’inshuti badufashamo 27,000 Ksh”.

Uyu mwana amaze imyaka ibiri adashobora guhumbya amaso bitewe n’iyi mpanuka yagize. Umuryango w’uyu mwana urasaba ubufasha ku muntu wese ufite umutima w’impuhwe kugira ngo babashe kubona amafaranga 400,000 Ksh akenewe kugira ngo uyu mwana abashe gukorerwa isuzuma (operation).

Daniel MUKESHIMANA/Umubavu.com

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA
KWAMAMAZA
Facebook page
Twitter page