<
Umuyobozi ukomeye muri UR yatawe muri yombi
Yashyizweho kuya 2017-08-28 03:07:26 na admin
VISITS : 1171

Ubushinjacyaha bw’u Rwanda bwataye muri yombi Umuyobozi wungirije wa Kaminuza y’u Rwanda ushizwe ubutegetsi n’imari.

Pudence Rubingisa akurikiranyweho gutanga inyungu zidafite ishingiro mu kurangiza amasezerano ya sosiyete y’ubwubatsi ya Exert Engeneering Group.

Nkusi Faustin, Umuvugizi w’Ubushinjacyaha avuga ko n’umuyobozi w’iyo sosiyete yatawe muri yombi.

Nkusi yabwiye umunyamakuru Izubarirashe ko abo bombi bafungiye kuri Sitasiyo ya Polisi ya Kimihurura.

Mu minsi itanu ngo ubugenzacyaha buzaba bwamaze gukora dosiye buyishyikirize ubushinjacyaha.

Yakomeje agira ati “Afungiye kuri Sitasiyo ya Polisi ya Kimihurura. Turacyakora iperereza ku byaha akurikiranweho byo gutanga inyungu zidafite ishingiro mu gihe cy’ishyirwa mu bikorwa ry’amasezerano.”

Hari amakuru avuga ko Rubingisa yaba akurikiranweho ibibazo byabereye mu nyubako za Campus ya Nyagatare ibarizwa muri Kaminuza y’u Rwanda.

Ingingo ya 630 yo mu gitabo cy’amategeko ahana y’u Rwanda ivuga ko umuntu wese :

Ukora amasezerano y’inyongera atubahirije ibiteganywa n’amategeko ndetse n’amabwiriza agenga amasoko ya Leta akongera agaciro k’isoko cyangwa akagabanya ingano y’isoko ku buryo budahuye n’igabanuka ry’agaciro karyo ;

Uhindura cyangwa uvugurura ibiciro agamije kubihuza n’igihe mu buryo budateganyijwe n’igitabo gikubiyemo amabwiriza agenga ipiganwa cyangwa hirengagijwe ibyo giteganya ;

Rubingisa afungiye kuri Station ya Polisi ya Kimihurura

Wemeza imirimo itarakozwe, yakozwe nabi cyangwa serivisi z’mpuguke zitakozwe ku rwego rwazo, serivisi zahimbwe cyangwa uwishyuye iyi mirimo cyangwa izi serivisi ndetse n’uwishyura amafaranga arenga agomba kwishyurwa hakurikijwe amasezerano ;

Ahanishwa igifungo kuva ku mezi atandatu kugeza ku myaka ibiri n’hazabu y’amafaranga y’u Rwanda kuva ku bihumbi magana atanukugeza kuri miliyoni ebyiri cyangwa kimwe gusa muri ibyo bihano.

Iyi ngingo kandi ivuga ko umuyobozi utegeka uwo ayobora gukora kimwe mu bimaze kuvugwa mu gika cya mbere cy’iyi ngingo, ahanishwa igifungo kuva ku myaka itatu kugera ku myaka itanu n’hazabu y’amafaranga y’u Rwanda kuva ku bihumbi magana atanu kugeza kuri miliyoni ebyiri cyangwa kimwe gusa muri ibyo bihano.

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA
KWAMAMAZA
Facebook page
Twitter page