<
Umuntu umwe yaguye mu mpanuka abandi 22 barakomereka
Yashyizweho kuya 2016-12-30 15:53:57 na admin
VISITS : 1389

Umuntu umwe yitabye Imana abandi 22 barakomereka mu mpanuka y’imodoka yabereye i Nyarusange mu Karere ka Muhanga.

Twegerane yagonganye na Coaster umuntu umwe yitaba Imana mu mpanuka yabereye i Muhanga tariki ya 30 Ukuboza 2016
Iyi mpanuka yabaye ubwo imodoka Coaster ifite nimero za puraki RAD 843E yavaga i Muhanga yerekeza i Karongi yagonganaga na Twegerane ifite nimero za puraki RAB 875 yavaga i Karongi yerekeza i Muhanga, saa 16h30 kuri uyu wa gatanu tariki ya 30 Ukuboza 2016.

Iyi mpanuka yabereye hafi y’ikiraro cya Nyabarongo bikaba bivugwa ko yatewe no kuba umushoferi wari utwaye Twegerane yataye umukono we akinjira mu wa Coaster.
Abantu batatu bandi bameze nabi mu bitaro bya Kabgayi ari naho umushoferi wari utwaye Twegerane amaze kugwa kuko na we yari yakomeretse cyane.

Abandi bantu batatu bagize ikibazo ku maguru na bo bakaba bajyanwe kwa muganga mu gihe abadafite ibibazo bikomeye bo bavuriwe ku kigo nderabuzima cya Nyarusange.
Polisi y’igihugu ikorera mu Karere ka Muhanga yemeje aya makuru kandi isaba abatwara ibinyabiziga muri iyi minsi mikuru kwitwararika mu muhanda.

TANGA IGITEKEREZO AHA
KWAMAMAZA
KWAMAMAZA
Facebook page
Twitter page