<
<
Tariki 12 Nzeri ni umunsi wa 256 mu minsi...
Yashyizweho kuya 2016-09-14 10:53:41 na
VISITS : 39

Tariki 12 Nzeri ni umunsi wa 256 mu minsi igize umwaka, hasigaye 109 uyu mwaka ukagera ku musozo.
Uyu Munsi Kiliziya irizihiza Mutagatifu Apollinaire Franco.
Bimwe mu byaranze uyu munsi mu mateka
1919 : Adolf Hitler yinjiye mu ishyaka German Workers Party.
1943 : Mu ntambara ya kabiri y’isi yose, Benito Mussolini, umunyagitugu wayoboye u Butaliyani yarabohojwe akuwe aho yari yafatiwe muri Gran Sassi ahitwa Abruzzi, arokowe n’ingabo z’Abadage zari ziyobowe n’uwitwa Otto Skorzeny.
1974 : Umwami (...)

Tariki 12 Nzeri ni umunsi wa 256 mu minsi igize umwaka, hasigaye 109 uyu mwaka ukagera ku musozo.

Uyu Munsi Kiliziya irizihiza Mutagatifu Apollinaire Franco.

Bimwe mu byaranze uyu munsi mu mateka

1919 : Adolf Hitler yinjiye mu ishyaka German Workers Party.

1943 : Mu ntambara ya kabiri y’isi yose, Benito Mussolini, umunyagitugu wayoboye u Butaliyani yarabohojwe akuwe aho yari yafatiwe muri Gran Sassi ahitwa Abruzzi, arokowe n’ingabo z’Abadage zari ziyobowe n’uwitwa Otto Skorzeny.

1974 : Umwami w’abami wa Ethiopia Haile Selassie I wataziriwe Messiah kubera kugirwa umukuru w’icyubahiro w’inyurabwenge ya Rastafari movement yahiritswe ku butegetsi n’abasirikare bari mu cyitwa Derg, bityo barangiza ingoma ya cyami muri icyo gihugu yari imaze imyaka 585.

1974 : Hashinzwe Juventude Africana Amilcar Cabral, itsinda ry’urubyiruko ruharanira demokarasi ryashingiwe mu gihugu cya Guinea Bissau.

1977 : Mu gihugu cy’Afurika y’Epfo habaye ubwicanyi bwahitanye uwitwa Stephen Biko warwanyaga ivangura rishingiye ku ruhu.

1979 : Igihugu cya Indonesie kibasiwe n’umutingito ukomeye wari ku gipimo kingana n’8,1 ugendeye ku ngero za Richter.

1980 : Mu gihugu cya Turukiya habaye ihirikwa ry’ubutegetsi bikozwe n’igisirikare.

1999 : Guverinoma ya Indonesia yatangaje ko igiye gutanga ingabo zizabungabunga amahoro mu gihugu cya Timor y’Iburasirazuba.

2003 : Leta Zunze Ubumwe z’Amerika zakuriyeho ibihano igihugu cya Libiya nyuma y’uko cyemeye gutanga impozamarira ku miryango y’inzirakarengane zishwe mu mwaka w’1988 zari mu ndege yitwa Pan Am Flight 103.

2003 : Ingabo za Leta Zunze Ubumwe z’Amerika zahitanye abayobozi bakuru ba Polisi ya Iraki bitewe no kubibeshyaho, aba bose biciwe ahitwa Fallujah.

Bamwe mu bavutse uyu munsi

1897 : Irene Joliot-Curie, umunyabutabire w’Umufaransa wanabirewe igihembo cyitiriwe Nobel. Uyu ni umukobwa wa Marie Skłodowska-Curie na Pierre Curie, akaba ari umugore wa Frédéric Joliot-Curie.

1980 : Yao Ming, umukinnyi wa Basketball ukomoka mu gihugu cy’u Bushinwa .

Bamwe mu batabarutse uyu munsi

1996 : Ernesto Geisel, wabaye Perezida wa Brazil.
2000 : Konrad Kujau, umudage uzwi cyane mu mateka y’iki gihugu.

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA

KWAMAMAZA
Facebook page
Twitter page