<
<
Perezida Nkurunziza n’umugore we banenzwe bikomeye kubera amasengesho barimo akemangwa
Yashyizweho kuya 2016-12-27 13:53:41 na admin
VISITS : 2201

Kuri uyu wa Kabiri tariki ya 27 Ukuboza, umuyobozi w’ishyirahamwe rishinzwe kurwanya ruswa mu Burundi, Gabriel Rufyiri, yanenze bikomeye gahunda y’icyumweru cy’amasengesho itegurwa na Perezida Nkurunziza n’umugore we Denise Nkurunziza, aya masengesho akaba yitabirwa n’abayobozi bo mu nzego zo hejuru ndetse n’abavuga rikijyana muri iki gihugu. Umuryango wa Perezida n’abandi bayobozi bakuru, ubu barimo kotswa igitutu bazira kumarira ibya rubanda mu bikorwa by’amasengesho.

Rufyiri avuga ko anenga cyane iki gikorwa kuko ngo kigamije gusesagura umutungo w’igihugu kandi cyakagombye kuba icy’abantu ku giti cyabo bityo hakirindwa ikoreshwa nabi ry’imitungo y’igihugu.

Yagize ati “Ndabizi hazakoreshwa amamodoka ya leta, hazakoreshwa lisansi yaguzwe mu mafaranga y’igihugu, bazahabwa amafaranga ya misiyo n’ibindi. Rwose njye nshyigikiye icyo gikorwa cy’amasengesho, nanjye nzajyayo nibantumira, ariko byakabaye bikorwa ku buryo bitandukanywa na gahunda y’igihugu ikaba gahunda y’abantu ku giti cyabo.”

Yunzemo ati “Itegeko Nshinga ry’u Burundi mu ngingo yaryo ya 69 risobanura neza ibijyanye no kubaha umutungo w’igihugu.”

Gabriel Rufyiri kandi yanakomeje avuga ko uretse n’Itegeko Nshinga, no muri Bibiliya yera Perezida Nkurunziza n’umugore we bazakoresha muri aya masengesho, naho harimo inyigisho zijyanye n’amahame yo kubaha umutungo wa rubanda.

Aya masengesho y’icyumweru cyose yateguwe na Perezida Nkurunziza ndetse n’umugore we Denise Nkurunziza, akaba arimo kubera mu gace ka Gihofi mu bilometero 136 uvuye mu mujyi wa Bujumbura, mu Majyepfo y’igihugu.
Yunzemo ati “Itegeko Nshinga ry’u Burundi mu ngingo yaryo ya 69 risobanura neza ibijyanye no kubaha umutungo w’igihugu.”

Gabriel Rufyiri kandi yanakomeje avuga ko uretse n’Itegeko Nshinga, no muri Bibiliya yera Perezida Nkurunziza n’umugore we bazakoresha muri aya masengesho, naho harimo inyigisho zijyanye n’amahame yo kubaha umutungo wa rubanda.
Aya masengesho y’icyumweru cyose yateguwe na Perezida Nkurunziza ndetse n’umugore we Denise Nkurunziza, akaba arimo kubera mu gace ka Gihofi mu bilometero 136 uvuye mu mujyi wa Bujumbura, mu Majyepfo y’igihugu.

Src Ukwezi.com

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA

KWAMAMAZA
Facebook page
Twitter page