<
Muhanga:Afunzwe akekwaho gukorera abanyeshuri inyemezabwishyu z’inyiganano z’amafaranga y’ishuri
Yashyizweho kuya 2017-09-15 00:16:45 na admin
VISITS : 86

Polisi y’u Rwanda mu karere ka Muhanga ifungiye kuri Sitasiyo ya Nyamabuye uwitwa Dukuzumuremyi Jean Baptiste ukekwaho gukorera abanyeshuri inyemezabwishyu z’inyiganano z’amafaranga y’ishuri.

Umuyobozi wa Polisi muri aka karere w’agateganyo, Chief Inspector of Police (CIP) Jean Bosco Karega yavuze ko iperereza ry’ibanze rigaragaza ko yari amaze gukorera abanyeshuri barindwi inyemezabwishyu zifite agaciro k’ibihumbi 546,500 by’amafaranga y’u Rwanda.

Uyu musore w’imyaka 24 y’amavuko ukekwaho iki cyaha yafashwe ku itariki 13 z’uku kwezi. Yafatiwe mu Mujyi w’aka karere, mu kagari ka Gahogo, mu murenge wa Nyamabuye.

CIP Karega yavuze ko abafatanywe izo nyemezabwishyu biga mu Kigo cy’Ubumenyingiro cya Muhanga Technical Center mu myaka ya kane, gatanu na gatandatu yisumbuye.

Yongeyeho ko Dukuzumuremyi yafatanywe Mudasobwa yifashishaga akora izo nyemezabwishyu z’inyiganano ; izafashwe kugeza ubu zikaba ziriho amafaranga ari hagati y’ibihumbi 60,000 by’amafaranga y’u Rwanda na 83,500.

Yasobanuye uburyo yafashwe agira ati,"Ifatwa rye ryaturutse ku makuru yatanzwe n’ubuyobozi bw’Ikigo abo banyeshuri bigaho. Bajyanye inyemezabwishyu z’abanyeshuri kuzisuzumisha kugira ngo barebe ko ari umwimerere, basanga amafaranga ari kuri Konti yacyo ari make bagereranyije n’igiteranyo cy’agaragara ku inyemezabyishyu z’abanyeshuri muri rusange. Bihutiye kubimenyesha Polisi muri aka karere, irabikurikirana kugeza ifashe uwakoze izo nyemezabwishyu zirindwi z’inyiganano."

CIP Karega yavuze ko abo banyeshuri na bo barimo gukorwaho iperereza ; hakaba kandi hari gusuzumwa niba nta bandi banyeshuri Dukuzumuremyi yakoreye inyemezabwishyu z’inyiganano ; ndetse niba nta bandi bantu yakoreye izindi nyandiko mpimbano.

Umuntu uhamwe n’icyaha cyo guhimba cyangwa guhindura mu buryo ubwo ari bwo bwose inyandiko, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa ahanishwa igifungo kirenze imyaka itanu (5) kugeza ku myaka irindwi (7) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni eshatu (3,000,000) nk’uko biteganywa n’ingingo ya 609 yo mu gitabo cy’amategeko ahana ibyaha mu Rwanda.

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA
KWAMAMAZA
Facebook page
Twitter page