<
<
Menya ibintu 11 abantu bahuriraho mu nzozi n’ ibisobanuro byazo
Yashyizweho kuya 2017-01-06 01:48:04 na admin
VISITS : 1476

Ubushakashatsi bugaragaza ko inzozi zacu zerekana uburyo tubayeho ku Isi,tugomba kuzihuza nubuzima bwacu bwa buri munsi,ibidushimisha ndetse n’ibitubaza . Abahanga bagerageje kandi gusobanura inzozi akenshi abantu bakunze kugira.

1. Kurota ukora impanuka.
Iyo urose ukora mpanuka( cyane cyane iy’imodoka) ibyo bigaragaza ko hari ikintu gishobora kubangamira cyangwa guhagarika burundu ibikorwa byawe. Singombwa rero kugira ubwoba ngo uhagarike ingendo ngaho ngo uri gutinya impanuka. Ni ngombwa ahubwo ko usuzuma imishinga yawe ukareba niba ntagishobora kuyihungabanya.
2. Kurota uri kubyara.
Kubyara mu ndoto bifite igisobanuro cyiza.Bigaragaza ko hari ikintu gishya ushaka gushyira ahagaragara. Singombwa ko byanze bikunze bigomba kubyara umwana bishobora no kuba igikorwa gishya ushaka kubona cyatunganye cyangwa ijambo rikuri ku mutima ushaka kuzabwira umuntu. N’iyo waba warose ubyara ikintu kidafite ishusho nyayo y’umuntu cyangwa warose ko utwite byose bisobanura kimwe.
3. Kurota uzengurutswe n’abantu benshi.
Ibi bisobanurwa hakurikije ubuzima bwa buri munsi bwa nyiri ukurota.Niba watewe ubwoba n’ubwo bwinshi bw’abantu ugomba gutekereza ku bugwari ugira haba mu mibanire yawe n’abandi cyangwa bwo gutinya gucibwa urubanza igihe waba ufatiwe mu makosa. Igihe ubashije kwihagararaho muri icyo gikundi bigaragaza ingano y’ibyishimo uterwa no kugera kucyo wari wiyemeje.
4. Kurota uvuza induru ijwi ntirigende.
Gusobanura izi nzozi bisaba kureba ubuzima bwawe mu minsi yashize akenshi umuntu akunze kurota ari mu mahina yatabaza ntihagire uwumva. Ugomba kureba niba mu minsi yashize ntaho wahuye n’ikibazo utari ufite ubushobozi bwo gukemura. Hari n’igihe biba byarabaye mu bwana ukongera kubyibuka ukuze.
5. Kurota wikubita hasi uturutse hejuru.
Ibyo bishobora gusobanura ko utinya kugira igihombo mu mishinga yawe. Niba warigeze kugira ikibazo ntihagire ukurengera izo nzozi zishobora kukugaragariza ubwoba bwo kumva ko nta ukwitayeho.
6.Kurota urupfu.
Ibyo biba kuri benshi. Kurota wapfuye cyangwa ugiye gupfa ntibisobanura ko ugiye gupfa, ahubwo bivuga imihindagurikire y’ibintu cyangwa iherezo ry’ikintu runaka kizatumahabaho itangira ry’ikindi. Urupfu rero rusobanura iherezo ry’igikorwa cyakorwa ko ari igihe cyo guhindura hagakorwa ibindi.
7. Kurota wambaye ubusa.
Kuba wambaye ubusa bisobanura ko ushobora kuba wumva utarinzwe mu mibereho yawe. Bishobora ariko na none kuba ikimenyetso cyo kwisanzura ku bantu bose ndetse no kwigirira ikizere. Birumvikana ko bishobora kugira igisobanuro cyiza cyangwa kibi.
8. Kurota warohamye.
Cyane cyane umuntu arota atyo iyo afite ibibazo bizamugora kubyikuramo. Icyo gihe rero uba ufite ubwoba bwo’uko ushobora kunanirwa n’ako kazi kagutegereje.
9. Kurota ukuka amenyo yose.
Ubundi amenyo ni ikimenyetso cy’ubuhangange n’inyota yo gushaka gutunga. Gukuka amenyo mu ndoto ni ubwoba bwo gutinya kuva ku buyobozi bw’ikintu runaka wari ukomeyemo.
10. Kurota ushyikirizwa ubutumwa.
Gushyikirizwa ubutumwa utiteguye bishobora kugushimisha ,kugutenguha cyangwa kugukomeretsa. Urugero rwa hafi ni urwo gutekereza ibisubizo by’ibizamini bishobora kandi gusobanura ko hari umuntu uhora wifuza kubona udaherutse.
11. Kurota wabonye amafaranga.
Kurota amafaranga bisobanura ko urota amafaranga aba afite ubukire mu mutima we aba ashaka kuzashyira ahagaragara. Izo nzozi kandi zigaragaza uko ateye ,ibyo akundan’ubushake bwo kubishyira ahagaragara kugira ngo amenywe.
Niba wumva ujya ugira ikibazo cyo kwibagirwa ibyo warose, abahanga barakugira inama yo kujya uraza ikaramu n’urupapuro hafi niba wikanguye uhame uhumirije umwanya muto ubanze wibuke neza ibyo warose, nyuma yaho ufate ikaramu n’urupapuro ubyandike. Ngo ugeraho ukabimenyera ndetse ntuzongere kwibagirwa.

Source : Ibyamamare

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA

KWAMAMAZA
Facebook page
Twitter page