<
Kigali : Umugabo n’umugore we bafashwe biba bakubitirwa mu ruhame
Yashyizweho kuya 2017-09-13 22:44:51 na admin
VISITS : 1155

Umugabo w’imyaka 58 n’umugore we batuye Nyabugogo mu Murenge wa Kigali, Akarere ka Nyarugenge, bafatiwe mu iduka bibye ibikombe bibiri by’amata y’abana ya Kigozi na Mayoneze bahanishwa gukubitirwa mu ruhame nubwo kwihanira bitemewe n’amategeko.

Ahagana saa munani n’igice zo kuri uyu wa Gatatu, tariki ya 13 Nzeri 2017, nibwo uyu mugabo n’umugore we bafatiwe mu iduka riherereye mu Kagari ka Rwezamenyo ya Mbere mu Murenge wa Rwezamenyo, bahishe ibicupa bibiri by’amata ya Guigoz na bibiri bya mayoneze (mayonnaise) mu ishakoshi, abaturage babakubitira mu ruhame.

Abaturage bo muri aka gace bavuga ko aba bantu uko ari babiri babanje kunywa icupa rimwe Primus bajijisha nyir’iduka kugira ngo babone uko bamwiba.

Mukamwiza Berthilde wari wibwe ibi bintu yavuze ko kugira ngo abibafatane, ngo byatewe n’uko yari yabakurikiranye cyane.

Yagize ati “Baje babanza banyaka byeri ebyiri baranywa noneho uriya mugore atangira kunjijisha ambaza uko umutaka ugura kugira ngo umusaza abone ibyo yiba, nibwo umutima wankomanze nkeka ko banyibye ndebye nsanga aho nabikaga ibintu byagabanutse.”

Akomeza avuga ko nyuma yo kubura ibikombe bya Kigozi bibiri n’ibicupa bya Mayoneze yahise akeka ko ari abajura ku buryo aribwo yahise areba mu ishakoshi yabo abisangamo.

Umubyeyi utwite wafatanywe ishakoshi yarimo ibi bintu byibwe, agifatwa yavuze ko amaze amezi atatu atangiye kwiba, asaba imbabazi avuga ko yabitewe n’ubukene.

Yagize ati “Nimumbabarire sinzongera byose nabitewe n’inzara kubera ko ninjye utunze abana banjye kuko se amaze igihe afunzwe.”

Yakomeje avuga ko umugabo we ariwe wamwinjije mu mwuga wo kwiba.

Umugabo na we yemeye icyaha cy’uko bafatiwe mu cyuho bari kwiba, asaba imbabazi.

Nyuma y’uko aba bantu uko ari babiri bose basabye imbabazi, bamwe mu baturage bo muri aka gace bari aho hafi, bahise batangira kubakubitira mu ruhame bavuga ko ari igihano cyokubaca ku ngeso yo kwiba.

Uretse ibyo bafatanywe bari bakiba, biyemereye ko hari n’ibindi bari bibye mu rindi duka riherereye ku Mumena mu Murenge wa Nyamirambo.

Umugabo n’umugore bafashwe bashinjwa kwiba

Abo bombi babashyikirije abashinzwe irondo ry’amanywa muri aka gace babajyana ku Kagari ka Rwezamenyo kugira ngo bakorerwe raporo ariko babanje kubikubitira, bihabanye n’amategeko ko ntawe ugomba kwihanira.

Srce:Igihe

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA
KWAMAMAZA
Facebook page
Twitter page