<
Kenya : Umukecuru w’imyaka 60 ariga gusoma, kwandika no kubara
Yashyizweho kuya 2017-09-14 06:15:24 na Ntirushwa Anaclet
VISITS : 35

Florence Cheptoo ukomoka mu gihugu cya Kenya ku myaka ye 60 y’amavuko ariga gusoma no kwandika akaba avuga ko atakererewe ngo kuko kuko yumva nta kibazo bimuteye kuko azabimenya neza.

Abantu benshi cyane cyane biganjemo abakuze bumva ko gusoma, kwandika no kubara ari iby’abakiri batop ariko uyu mukecuru w’imyaka 60 y’amavuko wo mu gihugu cya Kenya we siko abibona kuko nyuma yo kubona umwuzukuru we azana ibitabo mu rugo akuye ku ishuri yumva nawe yakagombye kujya abisoma.
Ibi byatumye nawe yiga gusoma abifashijwemo n’umwuzukuru we ari nawe umwigisha nyuma yo kubona ko nawe akeneye kugendana n’umuvuduko w’iterambere isi igenda ikomeza kugendana nawo. Yagize ati “nange ndumva nshaka kumenya gusoma kugira ngo ngendane n’iterambere ry’isi ya none”.
Florence Cheptoo ukomoka mu cyaro cya Chesongoch mu burengerazuba bw’igihugu cya Kenya yavuze ko ikintu cy’ingenzi cyatumye afata iki cyemezo abageze mu za bukuru nkawe badakunze gufata ari uko yabonaga umwuzukuru we azana ibitabo mu rugo abikuye ku ishuri bityo yumva yifuje kujya abisomana nawe niko gufata umwanzuro wo kwiga gusoma abifashijwemo n’uyu mwuzukuru we.

Florence Cheptoo ku myaka ye 60 wiga gusoma no kwandika

Uyu mukecuru yafashe iki cyemezo nyuma yuko abarimu babonye ko usanga hari abasaza n’abakecuru bumva ko gusoma ari umuco w’abato gusa ari nabyo byatumye hashyirwaho gahunda yo kwigisha abantu bose bakuze gusoma, kwandika no kubara gusa bikaba byaraje bisanga Cheptoo we abigeze kure.
Mu kliganiro uyu mukecuru yagiranye na BBC, yavuze ko kera ababyeyi babo batahaga agaciro ibyo kwiga ari nabyo byamubujije kwiga ababyeyi be bagahita bamushyingira atazi gusoma no kwandika bityo ngo akaba abona uyu muco uteri mwiza na gato.

Florence Cheptoo n’abakecuru bagenzi be bitoza gusoma no kwandika

Florence Cheptoo avuga ko nyuma yo kudaheranwa n’amateka yo hambere kuri ubu ashobora gusoma nk’impapuro zo kwa muganga, kwandika no gusinya ku nzandiko zitandukanye, gusoma ibinyamakuru bitandukanye ndetse n’ibindi byinshi.
Yongeyeho ko ubungubu atagikeneye umuntu umusomera Bibiliya nkuko yabigenzaga ngo yewe n’amashusho iyo ayareba bituma amenya icyo avuze. Avuga kandi ko n’amakarita amwe n’amwe iyo ayareba bituma amenya ibice bimwe na bimwe by’isi atari azi mbere.

Florence Cheptoo ngo ubu ashobora no gusoma ibitabo bivuga ku buhinzi

Yasoje avuga ko yishimiye cyane kumenya gusoma no kwandika kuko bimufasha kugendana n’isi. Yanagirirye inama abumva ko kumenya gusoma ari iby’abato gusa ko umuntu wese aho ava akagera akeneye kumenya gusoma, kwandika no kubara ndetse ku myaka yose yaba afite.

Daniel MUKESHIMANA/Umubavu.com

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA
KWAMAMAZA
Facebook page
Twitter page