<
Ese ibicuruzwa byamburwa abazunguzayi bijya he ?
Yashyizweho kuya 2017-08-25 04:48:15 na admin
VISITS : 580

Hari abavuga ko ababambura ibicuruzwa babyijyanira iwabo ndetse ngo hari n’abagaruka bakabibagurisha ,hari n’abakeka ko ababambura ibi, cyaba ari kimwe mu bihembo bahabwa n’ibindi byinshi bigamije ku kwibaza ahashyirwa ibyamburwa aba bazunguzayi .

Kuri iki kibazo Ubuyobozi bw’Akarere ka Nyarugenge buvuga ko bufite ububiko bushyirwamo ibyamburwa abacururiza mu muhanda kandi icyo bizakoreshwa ngo nibwo bukizi.

Hashize igihe kitari gito mu mujyi wa Kigali hakorerwa ubucuruzi bw’ababunza ibintu ku mitwe cyangwa bagacururiza ku nkengero z’imihanda , ubucuruzi uyu mujyi wanga urunuka uvuga ko buteza isuku nke ,akajagali ,umutekano mucye n’ibindi.

Hagiye hashyirwa imbaraga nyinshi mu kubuca ,kugeza ubwo ababikora bacuruza babanguye amatwi banakebaguza ngo badafatwa n’ abashyizweho mu kubafata no kubambura ibyo bafite.

Mu by’ukuri kuba aba bantu bagicuruza ni uko banafite ababagurira ,ibi byerekana ko n’ibyo bacuruza bifitiye akamaro ababigura kabone nubwo nabo bashyiriweho itegeko ryo kubahana nubwo naryo risa n’iryirengagijwe, ariko icyakunze kwibazwaho na benshi ni ahashyirwa ibyambuwe ababacuruzi biganjemo abagore.

Ubuyobozi bw’Akarere ka Nyarugenge kamwe mu tugaragaramo aba bacuruzi benshi, buvuga ko ibi bintu bibikwa rwose yaba mu bubiko buri hafi y’aho bamburirwa yaba no mu bunini bihurizwamo MAGERAGERE ,ubu bubiko kandi ngo buracungwa ku buryo bugaragara.

Ibi bintu ngo biratwarwa ,ibibora bikajugunywa ,ibi byiganjemo ibiribwa ,ariko ibitabora ngo bishyirwa hamwe bigacungwa.

None bizajyahe ?

Iki ni ikibazo kibazwa na benshi cyane ko ntawashidikanya ko ibi ari na byinshi hakurikijwe ubuhamya butangwa n’ababyamburwa kuko hari n’abakubwira ko batazi inshuro bambuwe ; ibyo ariko ku bw’ubuyobozi bw’akarere ka Nyarugenge, ngo ibi ntibisubizwa ababyambuwe ,ntibateze no kubisubizwa ,icyo bizakoreshwa ngo kizwi n’ubuyobozi.

Hagendewe ku itegeko rirebana no gucunga ibyafatiwe mu buryo bunyuranyije n’amategeko ngo hari ingingo ivuga igikoreshwa ibifatiwe muri ubwo buryo , iramutse igendeweho ngo hari icyo ibi byakoreshwa.

Ubwiyongere bw’abakora ubu bucuruzi ni nabwo bwiyongere bw’ibyo bamburwa ,ingamba nshya zitezwe mu kureba uko hakurwaho ubu bucuruzi butigeze bwemerwa ariko ntibucike ni kimwe mu bitegerezanyijwe amatsiko na benshi , nubwo hari abavuga ko iki atari ikibazo cyagakwiriye gushyirwamo imbaraga nk’iz’umujyi wa Kigali ukoresha ndetse ugiye no kongera niba hagamijwe gusa gukora umujyi ukeye .

Srce:Royal Tv

TANGA IGITEKEREZO AHA
modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Ce formulaire accepte les raccourcis SPIP [->url] {{gras}} {italique} <quote> <code> et le code HTML <q> <del> <ins>. Pour créer des paragraphes, laissez simplement des lignes vides.

KWAMAMAZA
KWAMAMAZA
Facebook page
Twitter page