<
<
Agashya i Kigali:Umusore yakoye inka 12 z’inzungu aha umukobwa impano ya V8 nshya
Yashyizweho kuya 2016-12-17 15:16:04 na admin
VISITS : 6242

Mu bukwe bwo gusaba no gukwa busa n’ubudasanzwe bwabereye mu mujyi wa Kigali kuri Kings Garden ku Kicukiro, Umusore bivugwa ko witwa Ntare yakoye umukobwa witwa Mirenge Rose, inka z’inzungu 12 ndetse aha uwo mukobwa imodoka yo mu bwoko bwa V8 ikiri nshya nk’impano.

Ni ibintu byatangaje abari aho ubwo babonaga izo nka zije zipakiwe mu modoka ya Fuso ndetse n’indi yari ipakiye V8 itarakora n’ikirometero na kimwe, bukaba bwabaye ku mugoroba wo kuri uyu wa Gatandatu tariki ya 17 Ukuboza 2016.

Umunyamakuru w’umubavu.com wageze aho uwo muhango wo gusaba no gukwa wabereye yabwiwe ko aba bageni bakomoka mu Ntara y’Iburasirazuba (mu Mutara).

Umwe mu bakurikiranye iby’ubu bukwe utatangaje byinshi yavuze ko nyuma y’iyo mihango inka zajyanywe mu muryango w’umukobwa na ho we agataha mu modoka umukunzi we yamuhayeho impano, yari yanditseho izina rye ahagenewe kuba hari nimero iranga ikinyabiziga imbere.

Ba nyir’ubwite ntiturabasha kuvugana na bo kuko ubwo umunyamakuru yageraga aho ubukwe bwabereye bari bamaze gutaha ndetse ntiharaboneka imyirondoro yabo irambuye.

Aha abasaza babari bari kureba imodoka uburyo arishya
Imodoka bayizanye muyindi kuko itarakora urugendo narumwe
yakoye inka cumi nebyiri zose

TANGA IGITEKEREZO AHA
KWAMAMAZA
KWAMAMAZA
Facebook page
Twitter page